آراز عادي بير چاي دئييل، آراز بير يوردو ايكي بؤلومه بؤلن بير چايدير، آراز گؤزلري يولدا ، قولاق‌لاري سس ده قويان بير چايدير. اما ائله سانيرام كي آراز اؤزوده بو ايشدن(خالق لاري آييرماقدان) راضي دئييل، نييه كي هر كيمسه آرازا بيرباخسا لاپ ياخشيجاسينا بو سؤزو آنلييا بيله‌ر چون آرازدا آخان سولار اورك داغلاريندان آخير گلير. بو دوركي آراز اؤز قاش-قاباغي ايله اؤز اوره‌يينده كي سؤزلردن خبر وئرير و ياواشجانا دئييركي من ايسته‌مه‌ييرم خالقلاري آيري سالام!! و اگر آرازين اؤز الينده اولسايدي آخمازدي، آمما آرازي آخيديرلار، خالقلاري آييرماق اوچون.
آراز آراز خان آراز
سولطان آراز خان آراز
سني گوروم ياناسان
ائل درديني قان آراز
آراز سندن كيم كئچدي
كيم قرق اولدو كيم كئچدي
فلك گل ثابيت ائيله
هانسي گونوم خوش گئچدي
عزيزيم آي هارايلار
هر اولدوز لار هر آيلار
دريادا بير گول بيتيب
سوسوزوندان هارايلار
صمد گلير گوله گوله
دوشونده باخ قيزيل گوله
هر الينده دورد كيتاب
دونده ريب توركو ديله